Kalaallit Gellerupimiittut suli atugarliortitaapput

Århusip kommuniata nalunaarusiaa nutaaq naapertorlugu kalaallit Gellerupip inissiarsuini najugallit nunasisunit uumisaarneqartarnerisa ajornartorsiutigineqarnerat malersorneqaqqikkusulersoq, aviisip Kristeligt Dagbladip allaaseraa.
septembarip 13-at 2008 13:56

Kalaallit ilaqutariit qulit Århusimi Gelleruppimi najugaqarsimagaluartut nunasisut inuusuttaannit ukiorpassuarni uumisaarneqartuarnertik pissutigalugu 2007-mi allamut nuuttariaqalersimapput.

Kingorna tusarliunneqarpoq Århusimi qullersat isumaqartut suliaq tamanna naammassineqarsimalereermat unitsinneqartoq.

Nutaamilli kommune nalunaarusiorpoq, taannalu

Århusip borgmesterianit Nicolai Wammenimit siuttuuffigineqartoq imaqarpoq ajornartorsiut tamanna Gellerupimi suli ajornartorsiutigineqartoq.

Taamatuttaaq Kristeligt Dagbladimi allaaserineqarpoq danskit atugarissaarnissaq pillugu ministeriata Venstremi ilaasortaasup Karen Espersenip ajornartorsiut tamanna sukateriffigeqqugaa, taassuma aggustip qaammataani ilaatigut piumasaraa 2007-mi pisut tamakku tassa kalaallit pineqarsimanerat pillugu Århusip kommunia nalunaarusiussasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq