Kalaallit Gellerupimi suli malersorneqartarput

Amalie Ilíngivákêq, uinilu Paulus, meeqqatillu, Qaqortumit Gellerup Parkenimut ukiut arfineq-marluk matuma siorna nuupput. Amalie Ilíngivákêq sisamanik meeraqarpoq. Taanna oqarpoq kalaallit musliminit ulluinnarni saassunneqartartut kisimiillutik perorsaasuukkajunnerusartut. Kalaaleqamminittaaq Gellerupimut nuukkaluarluni akornusersorneqartarneq pissutigalugu allamut nuuttariaqalersimasumit paasisimavaa, arnaq kisimiilluni meeqqaminik perorsaasoq aqqusinikkut pisutsilluni musliminit unitsinneqarsimasoq. Arnap unitsinneqareerluni paasiuminaatsissimavaa pass-ini musliminut takuteqqaarlugu sooq ingerlaqqissinnaasimanerluni.

Amalie Ilíngivákê-p musliminit eqqissiviilliortinneqartarneq pillugu allamut nuunnissani pilersaarutiginngilaa, akornusersaarisartunit anisinneqassannginnami.

Amalie Ilíngivákêq akornusersuisoqarsimatillugu uninngaannartanngilaq.

Inuusuttuunerusut akornusersaarisartut taakkua angajoqqaavi qanoq ittuunersut apeqqutaasarnerarpai. Ilai inuiaqatigiinnut allanut qaammaasaqarnerusut akuersinerusarput, Amalie Ilíngivákêq Gellerupimit taama oqarpoq.