Kalaallit Fredericiami peqatigiiffittaartut

Peqatigiiffiusimasumi siulersuisut utoqqalimmata inuusuttunillu ingerlatsisussaqanngimmat atorunnaarsimavoq.

Maannali inuit ikittunnguit aalajangerput kalaallinut Nunatsinnillu nuannarinnittunut peqatigiiffilioqqinniarlutik.

Ilaaniaraanni kalaaliusariaqanngitsoq aallartitsisut ilaat 2005-imili Danmarkimi najugaqarsimasoq Kirsten Kaspersen oqarpoq.

- Isumaqarpunga Fredericiaannarmi kalaallit 300-it sinneqartut, amerlasuullu illoqarfinni saniliini Vejlemi Koldingimilu najugaqartut. Taakkuli arlaannaanniluunniit kalaallit peqatigiiffeqanngittut, Fredericia Dagbladimut oqaluttuarpoq.

Taamaattumik taassuma neriuutigaa amerlasuut ilanngukkumaartut kalaallillu kulturiat, oqaasii peqatigiinnerallu ilannguffigalugu.

- Qaammatikkuutaartumik nereqatigiittalerniarpugut, kingornalu immaqa bankorluta inuttullu ilisareqatigiilluta Jens Broberg Sønderborgimit Fredericiamut nooqqammisoq oqarpoq.

- Assassornermik soqutigisaqartunik suleqatigiittoqarsinnaavoq inuussutunnillu ilinniartitsisoqarluni, Rasmine Kaas uinilu ukiut 32-it Kalaallit Nunaanni najugaqareerlutik  Danmarkimut nuussimasut taama oqarpoq.  

Paasissutissat amerlanerusut Facebookimi "Kalaallit Fredericiami - Grønlændere i Fredericiami" atuarneqarsinnaapput.