Sisoraatinik ujakkaartartut Norgimi pissartanngorniunneranni, tassa DM-erneranni, ajorsartoq peersittarlugu unammisaqattaarnermi, kalaallit arnartaat angutitaallu ippassaq ajugaapput.
Angutini kuultinnattuuvoq Erik Amondsen, NUP-meersoq. Arnani Niviaq Chemnitz Berthelsen aamma NUP-meersoq ajugaasuuvoq.
Hans Henrik Larsen sølvinnappoq Bent Friis Salling-ilu bronzennalluni.
Unammineq qattunerasaartukkut 750 meterisut takissuseqartumi ingerlanneqarpoq, silalu seqinnarissorsuusimalluni. Danmarkimi sisoraatinik ujakkaarluni pissartanngorniunnerit ullumikkut marlunngornermi nanginneqassapput, arnat 10 kilometeri ujakkaassavaat angutillu 15 kilometerissallutik.