Kalaallit Danmarkimiittut neqissaaleqisut
Kalaallit Danmarkimi najugallit qaammatip uuma naanerani puisip neqissaqalernissartik ilimagisinnaagaat KNI-miut nalunaarput.
Puisip neqaanik februarip naanerani kingullermik tikittoqarpoq, pilersaarutigineqarsimagaluarporlu qaammatit marlukkaarlugit puisip neqaanik nunatsinneersumik tikittoqartassasoq.
-Arctic Green Foodip allanngornerata kingorna sumut qinussanerluta naluleraluarparput, maannali puisip neqaanik tikisitsisarnerput aalaakkaasumik ingerlasussanngorpoq, Alberth Jakobsen KNI-p Københavnimi imikkoortortaani ittusoq raadioaviisimut taama oqarpoq.
KNI-p pisinniarfia Christianshavnimi inissisimasoq kingullermik martsip aallartilaarnerani puisip neqaanik 250 kiilut missaanniittumik tikisitsivoq.
Kalaaliminernik tikisitsisartut peqatigiiffiat ”Illoqatigiit” 957 -nik kalaallinik danskinillu ilaasortaqarpoq, tamarmillu annerpaamik nassitsinermi ataatsimi puisip neqaa 5 kilo tikisissinnaavaat.
