Kalaallit Danmarkimi TUSA-mi erinarsorput
Danmark-imi kalaallit erinarsoqatigiit Vingstedcenter-imi Bredsten-imiittumi sapaatip akunnerata naanerani katersuupput, Danmarkimi kalaallit peqatiiffiisa kattuffiata Inuit aaqqissugaannik.
Allattoq Najaaraq Egede
Erinarsornermik katerinneq taaguuteqarpoq Tusa, erinarsoqatigiillu arfinillit kisimiillutillu erinarsortut tallimat erinarsullaqqinneqqusaattunut peqataapput.
Erinarsoqattaarnerit pereermata nereqatigiinneqarpoq nipilersortartoqatigiit Peter Olsen Band nipilersortoralugit qittanneqarlunilu, aviisi Sermitsiaq nittartakkamini allaaserinnippoq.