Kalaallit Danmarkimi suliffissaqanngitsut Nuummut suliartortalissapput
Nunatsinni illoqarfiit pingaarnersaanni, Nuummi, sanaartornermik suliaqartut, perorsaasut, isumagininnermut siunnersortit, SOSU-assistentillu amigaatigineqarput, taakkualu Aalborgemi suliffissarsiuussisarfimmi inuttarsarsiorneqarput.
Atorfiit inuttarsarsiuunneqarnerini kalaallit suliffissaaleqisut atorfinnillu inuttarsarsiuunneqartuni ilinniagaqarsimasut Kalaallit Nunaanni sulilernissaat qulakkeerneqassaaq.
- Taakkununnga tunngasuni atorfiit ilaat amerlasuut piffissami matumani Nuummi inuttassaqartinneqanngillat, taamaattumik kalaallit Danmarkimi suliffissaaleqisut angerlartinniarneqarnissaannut piffissaalluartuusoq isumaqarpugut, Kommuneqarfik Sermersuumi Isumaginninnermut, Suliffeqarnermut Inuussutissarsiornermullu Ataatsimiititami siulittaasoq Malene Lynge (IA) oqarpoq.
Kommunip tusagassiuutinut nalunaarutaa naapertorlugu Nuummi suliffiit inuttarsarsiorneqarlutik Aalborgimi saqqummiuneqartut kalaallinit Aalborgimi najugaqartunit soqutigineqarluarput.
