ASSIT Kalaallit AWG-mi peqataasussat atisartaartinneqartut

Timersortartut, sungiusaasut timersortartullu aqutsisui 159-iusut Arctic Winter Games Nuummi Inussivimmi marsip arfernani ammaanersiorneqalerpat kusanartorsuarnik atisaqartinneqassapput.

Nunatta AWG-mut peqataatitaata atisaat Pisiffiup ilisarnaataanik saavatigut tunuatigullu Pisiffiup ilisarnaataanik pilersorneqarsimapput.

- Nuannaarutigeqaarput Pisiffimmiit atisat pissarsiarisimagatsigit.

- Atisat iluartuunissaat atoruminartuunissaat aallaaviusimavoq. Kalaalerpaluttuullutik ulluinnarsiutissaapput, katiterneqarnerallu kusanartumik ammaanersiornissamut tulluarsagaallutik. Timersoqatigiit Kattuffiata Chef de Mission-iusoq Lauritz Heilmann oqaatigaa.

Aallartitatut atisalersorneqartut

Atisat iluartuunissaat atoruminartuunissaat aallaaviusimavoq. Kalaalerpaluttuullutik ulluinnarsiutissaapput, katiterneqarnerallu kusanartumik ammaanersiornissamut tulluarsagaallutik.

- Neriuppugut unammisartuutigut tamarmik nuannisarlutik misigisaqarluarumaartut, minnerunngitsumillu unammisassatik avataanit tikittussat tikilluaqqullugit, timersortartorpalaartumik takutitsiffigilluarumaaraat. Lauritz Heilmann oqarpoq.

Nunatsinni peqataasussat timersuutini makkunani peqataassaapput: alpin, Arctic Sport, sulorarneq, biathlon, nerrivimmi arsaararneq, Dene Games, futsal, ujakkaarneq, maakkarnaveeqquserluni arpaliunneq, snowboard, volleyball aammalu kulturikkut pisussat.

Unammiuaarnerit KNR tv-kkut, radiokkut nittartakkakkullu malittarineqarsinnaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat