Kalaallit autistit Maliinamit pulaarneqarput
- ACV-mi akisussaassuseqarluartoqarnera malugisinnaavara kalaallillu tassani najugallit atugarissaarnerat takullugu nuannerpoq. Timikkut atugaat, soorlu inigisaat, ajunngilluinnartoq tassaniinnertik sulisullu tungaatigut atugarissaarnerat takullugu nuannerpoq, Maliina Abelsen aviisimut Sjællandskemut oqarpoq.
Kalaallit ineeraat kalaalerpalaartunngorsarneqarsimapput.
- Ineqartut kultoorimikkut tunuliaqutaat inuunerannut ilaanera takutinniarlugu atatinniarsimavarput. Ulluinnarni taamaappoq aammali minnerpaamik ukiumut ataasiarlutik tikeraartarnissaat pingaartipparput, ACV-mi pisortaagallartoq Sys Petersen oqarpoq.
Nunatsinni isumaginninnikkut oqartussaasut Slagelsellu Kommunea taamaammat suleqatigiiginnarniarput.
Slagelse Kommuneata autistinik isumaginninnera Maliina Abelsenip nersualaarpaa:
- Autisme Center Vestsjællandimut pulaarninni sulinerminni tunaartarisaat ersarilluinnartoq misigaara qanoq ingerlaniarnerat anguniagaallu paasillugu. Suliaminnik aallussilluarput, Maliina Abelsen oqarpoq.
