Kalaallit atugaat Genéve-imi apeqqutigineqarput

Naggueqatigiinnik assigiinngitsunik assigiinngisitsisoqartarnera paasiniarlugu, Naalagaaffiit Peqatigiit aaqqissugaani nunat assigiinngitsut Genevemi misilitsimmata, Danmark peqataavoq, tassanilu kalaallit eqqartorneqarput, Ritzau taama allappoq.

Danmark misilitsinnermini nersualaarneqarlunilu uparuarneqarpoq, misilitsittunik pingasunngornermi sisamanngornermilu tusarnaarsimasoq, inuit pisinnaatitaaffii pillugit suliniaqatigiiffimmi pisortaq, Birgitte Kofod Olsen, oqarpoq.

Danmarkip uparuarneqarnerani ilaatigut makku pineqarput; ilaqutariinnik ataatsimuulersitsisarneq, aallaqqaasiutinik ikiorsiisarneq, qimaasutut inissisimasarneq, qimaasullu pillugit suleqatigiissitap attuumassuteqarnera. Uparuarneqartunut nutaanut ilaavoq qimaasut angerlarsimaffiini pissutsit.

Muuamaamik titartakkat pillugit ajornartorsiutaalersimasut, aamma Kalaallit atugaat,

Naalagaaffiit Peqatigiinni ataatsimiititaliami misiliisitsisup apeqqutaanut ilaapput.

Naggueqatigiinnik assigiinngitsunik assigiinngisitsisoqartarnera akiorniarlugu inatsisip 266b-p atukulaneruneqarnissaa aamma siunnersuutigineqarpoq.