Kalaallit assammik arsartartut nunanut allanut unammisartut arnartaat VM-imut piareersarialersut
Nunarsuarmi pissartanngorniuttoqarnissaanut anngunniunnissamut piareersaatit Ikastimi nanginneqassapput, VM-imut angunniulluni Mexicomi maajip ulluisa 27-annit juunillu ulluisa pingajuata akornanni anngunniuttoqassalluni.
Timersoqatigiiffiit Assammik Arsartartut Kattuffiat, TAAK, tusagassiutinut taama nalunaaruteqarpoq:
- Piareersarneq ingerlalluarpoq, arsartartullu imminnut ilisarisimalluartut pigaavut. Siuttut sungiusarluarnissaat taava tullinnguuppoq, illersuisullumi aamma sungiusarluartussaallutik. VM-imut anngunniussamut taava piariissaagut, nunanut allanut unammisartut sungiusaasui Johannes Groth Anders Friisilu unamisartut aallalerneranni oqarput.
Kalaallit unammisartuisa Mexicomi maajip 27-anit unammisassaat kikkuussanersut suli aalajangerneqanngilaq.
Amerikap nunavittaani anngunniuttussat immikkoortunut marlunnut avinneqarsimapput, tassa Amerikap nunavittaa avannarleq kujallerlu.
Kalaallit Nunaat, Canada, USA Amerika Qiterlermilu nunat assigiinngitsut, Caribiamilu nunat assigiinngitsut, Amerika avannarlermit anngunniussapput.
- Nunat arfineq-marluk anngunniunnissamut nalunaarsimapput, Mexico, Kalaallit Nunaat, USA, Canada, Cuba, Puerto Rico Den Dominikanske Republikilu anngunniutissallutik, Poul Petersen, Assammik Arsartartut Kattuffianneersoq, KNR-imut oqarpoq.
VM-imut anngunniunnermi bronzinnanniussamut anngunnissaq anguniagaavoq.
Anngunniunnermi ajugaasoq VM-imut toqqaannartumik anngutissaaq. Arnat assammik arsartartut Japanimi Tokyomi ukioq manna decembarimi VM-issapput.
Kalaallit Nunaat sinnerlugu Ikastimut sungiusariartussat katillugit 18-iupput, Nunatsinni pissartanngorniuttoqareerpat 16-inut ikilineqassallutik.
Unammisartut Ikastimi sungiusaqataasut tassaapput:
1. Aviaaja Heilmann, GSS
2. Nivi Fly, GSS
3. Ulla Kleist, GSS
4. Nuunu-Marie Lukassen, NûK
5. Andrea Andreassen, GSS
6. Sara Biilmann Egede, Vardar
7. Christina V. Lange, NûK
8. Ivalu Bjerge, TTH Holstebro
9. Nivi J. Petersen, GSS
10. Kathrine F. Mikkelsen, Silkeborg-Voel KFUM
11. Najaaja A. Lyberth, GSS
12. Mia Egede Rasmussen, Lyngby
13. Panu P. Grønvold, GSS
14. Nivi Berthelsen, GSS
15. Ivaana Holm, GSS
16. Ivâna Meincke, GSS
17. Naasu Tremel, Lyngby
18. Sandra Rothberg, Silkeborg-Voel KFUM
