Kalaallit aningaasaat aappaagu akiliutigineqartalissapput

Kalaallit aningaasaat 2008-mi saqqummertussanngorput, tamanna folketingimi ullumi akuersaarneqarpoq. Inuussutissarsiorneq pillugu ministerip Bendt bendtsenip aningaasaqalernissamut tunngasoq inatsisissaq pingajussaaneerlugu saqqummiuppaa. Rosa Thorsen tusagssiissaaq:

Kalaallit nunaat nammineq aningaasartaartussanngorpoq. Folketingimi ullumi aningaasartaassamut tunngasoq inatsit akuersaarneqarpoq. Nationalbanki taamaalilluni suliaq kalaallit nunaata aningaasaanut tunngasoq nangissinnaanngorpaa. Maannamut aningaasat pappialat tallimat takorloorneqarput. Titartakkallu eqqumiitsuliortumit Naja Abelsenimit titarneqarsimasut aningaasanngornissaat ilimanaateqarluinnarpoq. Aningaasat 2008-p aallartinnerani aqqusinermi takussaalissasut ilimagineqarpoq. Inuussutissarsiorneq pillugu ministerip Bendt Bendtsenip nuannaarutigaa folketingimi ilaasortat tamarmik, aamma kalaallit naalakkersuisuisa inatsisartuisalu aningaasaqalernissaq illersormassuk.

- Kalaallinut aamma nuannersuussaaq nammineq aningaasaqalernissaq, ilimagaaralu aamma kalaallit namminneq aningaasaqalernissartik pissutissaqartikkaat, Bendt Bendtsen pilluaqqusisoq taama raadioaviisimut oqarpoq.

Aningaasap nalinga danskit kroniaaginnassaaq.