Kalaallit angutitaat pillugit isiginnaagassiulersut
Angutip kalaallip nutaaliaasumik inooriaasillip isigineqarnera oqaluttuat piviusumik tunngaveqartut atorlugit allaanerusumik takutinnissaa isiginnaartitsisartut kissaatigaat.
Tamatumunngalu atatillugu eqqarsaatinik, erinarsuutinik, oqalualaanik taallanillu angummut kalaallimut tunngasunik isiginnaartitsisartut Nunatsinni Danmarkimilu pissarsiorput.
Atuakkiortoq Niviaq Korneliussen, ilitsersuisartoq Hanne Trap Friis aammaNunatta Isiginnaartitsisarfiata pisortaa Susanne Andreassenip isiginnaagassiaq suliarissavaat, isiginnaartitsisartullu Miké Thomsenip, Hans-Henrik Poulsenip, Klaus Geislerip Miki Jacobsenillu oqaluttuanik suliarinnittuussallutik.
Isiginnaartitsisartut suliniutigisartik pillugu Aarhusimi Kalaallit Illuutaanni unnugu paasissutissiissapput. Tamanna, Danmarkimi nalunaaqutaq malillugu, nal. 20.00 pissaaq.
