Kalaallit savalimmiormiullu Danmarkimi najugaqartut nunaminnut uterusunneq ajornerat sumik peqquteqarnersoq Atlantikup avannaani suleqatigiissut misissuiffiginiarpaat.
Savalimmiormiut 21.000-t Danmarkimi nunasisuupput. Kalaallit taama aamma amerlatiginissaat ilimagineqarpoq.
- Taakku nunaminnut angerlartinneqarnissaat siunertaraarput, Høgni Hoydal oqarpoq, nangipporlu:
- Savalimmiormiut Danmarkimi najugallit qassiunerat, sulerisarnerat, qanorlu ililluta angerlartissinnaanerivut misissuereerpugut. Kalaallit misissuiffigalugit maanna aallartippugut, Høgni Hoydal oqarpoq.
Angerlartinneqarnissaat sooq pingaaruteqarnersoq, aamma nunat allamiut Savalimmiuni Kalaallit Nunaanniluunniit najugaqarusuttut aqqutissiuutiinnarneqarsinnaannginnersut aperineqarami akivoq:
- Nunarput aningaasarsiorfigiartuinnarlugu tikittartut tikisittarnissaat sulissutigerusunnginneruvarput. Paasisavut tassaapput; kulturitsinnik ilisimasallit kinguaassatsinnut tunniussilluarsinnaanerusartut. Soorlu Savalimmiuni ilinniartitsisussaaleqisoqarmat savalimmiormiut ilinniartitsisut 90-t Danmarkimi sulipput. Taakku nunarput misigissuseqarfigimmassuk angerlartinneqarnissaat sulissutigissallugu pingaarutilerujussuvoq, nunatsinnimi pissutsit ilisimasaqarfigilluarpaat, Høgni Hoydal oqarpoq.