Kalaallit Airports illuliassanik titartaasartunik unammisitsilersoq
Ingerlatseqatigiiffik Qaqortumi mittarfiliornissamik aamma Nuummi Ilulissanilu mittarfinnik tallilerinissamik suliaqartoq, Kalaallit Airports, mittarfiit illutassaat pillugit illuliassanik titartaasartunik unammisitsiniarluni aalajangersimavoq.
AAMMA ATUARUK Kujallermi mittarfissaq timitalerneqangajalersoq
Ingerlatseqatigiiffiup tusagassiorfinnut nalunaarutaa naapertorlugu, mittarfittaassat illutassaat nunatsinnut tunngasunik immikkooruteqarnissaat ilaasunullu ilorrisimaarnartuunissaat ingerlatseqatigiiffimmit pingaartinneqarpoq.
- Mittarfiup terminaliata ilusilersorneqarnerani atortorissaarutit ilorrisimaarnartut nutaaliaasullu mittarfinnut taanut ilanngullugit eqqarsaatigineqassasut, siulersuisut pissusissamisoortutut isigaat, taamaalilluni angalasut aammalu ulluinnarni mittarfinnik atuisut, mittarfinnut imaluunniit mittarfinnit angalanerminni, imaluunniit ulluinnani sulinerminni, nuannersumik misigisaqartassallutik, Kalaallit Airportsip siulersuisuini siulittaasoq taama oqarpoq.
AAMMA ATUARUK Kalaallit Airports planer skrider fremad
Illuliassanik titartaasartunik unammisitsinissamut piukkunnartussarsiorneq aggustimi pissaaq.
Illuliassanik titartaasartunik unammisitsineq novembarimi naammassissaaq, Qaqortumi, Ilulissani Nuummilu mittarfiit illutassaannut siunnersuutissanik tunniussisoqareersimassalluni.
