Russit kilisaataat Tromsømi ikuallattoq

Russit umiarsuaat Norgemi illoqarfimmi Tromsømi umiarsualivimmi ikuallammat innuttaasut 100-t qimagussortinneqarput.
Russit kilisaataataat Bukhta Naezdik Norgemi Tromsømi ippassaq pingasunngornermi ikuallarujussualerpoq. Assi © : Ntb Scanpix/Reuters/Ritzau Scanpix
Ikuallannermit pujoq annikilissimavoq pujorli napparsimmaviup tungaanut pujuliorluni. Assi © : Ntb Scanpix/Reuters/Ritzau Scanpix
Ikuallaffiusup eqqaaniittut najugaqartut 100-t qimagussorneqareerlutik - kilisaallu ikuallattoq qaarsinnaammat ilaatigut aqquserngit matuneqarput. Assi © : Ntb Scanpix/Reuters/Ritzau Scanpix
Allattoq Ritzau
septembarip 26-at 2019 08:34

Russit kilisaataataat Bukhta Naezdik Norgemi Tromsømi ippassaq pingasunngornermi ikuallarujussualerpoq.

Ikuannerlu sakkortungaarmat qatserisartut ippassarlu qamisaaniapiloorput - kilisaallu ullaaq manna kivilluni.

Kilisaat ullaaq manna qulinut tanneq pingasunngortoq kinnguvoq umiarsuullu annersaa immap naqqaniilluni.

Ikuallanerlu aallartimmat kilisaat dieselimik 200.000 literimik useqarsimavoq.

Pujorsuaartoq qaartooratarsinnaasorlu

Ikuallannermit pujoq annikilissimavoq pujorli napparsimmaviup tungaanut pujuliorluni.

Tromsømi napparsimmavik ullaaq manna immikkut ittumik upalungaarsimaniarluni naliliivoq immikkoortortaqarfiit arlallit matunissaat pisariaqalersimasoq.

Ikuallaffiusup eqqaaniittut najugaqartut 100-t qimagussorneqareerlutik - kilisaallu ikuallattoq qaarsinnaammat ilaatigut aqquserngit matuneqarput. Tamannalu angallanniarnermut unammillernartoqarlersitsivoq.

/ritzau/NTB

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq