Kalaallisut oqaatsivut savalimmiullu oqaasii Google Translatemut ilanngunneqartut
Oqaatsinik nutserinissamut sakku Google Translate oqaatsinik 110-nik nutaanik ilaneqarpoq, taakkununngalu ilaapput kalaallisut oqaatsivut savalimmiormiullu oqaasii.
Tusagassiuutinut nalunaarummi Google allappoq.
Google Translate atorlugu oqaatsit 100 milliardit nutserneqartartut tusagassiuutinut nalunaarummi aamma allaqqavoq.
- Taamatut annertutigisumik nutserummut ilanngussaqarsinnaaneq pisinnaangorpoq qarasaasiaq atorlugu silassorissutsimik ineriartortitsinertut taaneqarsinnaasup ineriartorneratigut, Googlep Danmarkimi, Kalaallit Nunaanni Savalimmiunilu attaveqarnermut pisortaa Jesper Vangkilde oqarpoq.
Oqaatsit nutaat ilagivaat kantonisut aamma afarisut oqaatsit. Kantonisut oqaatsit kinamiut oqaasiinut ilaapput Kinallu kujammut kangiani oqaatsitut atorneqarnerpaallutik.
Afarisut oqaatsit Afrikap kangiani Djiboutimi, Eritreami Etiopiamilu oqaaserineqarput.
Google Translatemik oqaatsinik amerlisaaneq aatsaat taamak annertutigaaq, taamaalillunilu inunnit 660 milliuuninit atuisoqalersinnaassalluni.
Oqaatsit ilanngussat Google Translatemi sisamanngornermi atorneqarsinnaalerput.
