Kalaallisut oqaatsit pisortatigoortuunerat pillugu oqallitsisoqassaaq
Kalaallit oqaasiisa pisortatigoortumik oqaasiunerannut takussutissatuaavoq, Naalakkersuisut Inatsisartullu kalaallisut taaguuteqartinneqarnerat, taamatut oqarpoq Malik Berthelsen Siumut sinnnerlugu inatsisartuni ilaasortaq. Inatsisartut ataatsimiinneranni kalaallisuinnaq oqaluttalernissap ukioq 2013 aallarnerfigalugu atuutilernissaa Siumup inatsisartuni ilaasortaatitaasa upernaamut siunnersuutiginiarpaat. Kalaallit oqaasiipisortatigoortumik oqaasiunerannik taaneqarsinnnaanngilaq, oqaatsit taamaallaat piumasunit atorneqartillugit, Malik Berthelsen oqarpoq.
Kalaallit oqaasii pisortatigoortumik oqaatsitut naatsoorsuutigineqarsinnaapput kikkunnit tamanit atorneqalerunik. Kalaallit oqaasii pisortatigoortumik oqaasiunerannik oqarneq oqaasiinnaasutut Siumumit isumaqarfigineqarpoq. Kalaallit oqaasiisa pisortatigoortunngornerannik takussutissatuaavoq, oqaatsit Naalakkersuisut aamma Inatsisartut qallunaatut aamma taaneqartalermata, Malik Berthelsen oqarpoq.
Siumup inatsisartuni ilaasortaatitaasa upernaaru inatsisartut ataatsimiinneranni siunnersuutiginiarpaat, inatsisartut ataatsimiinneranni kalaallisut oqaatsit kisimik ukioq 2013 allaarnerfigalugu atorneqalernissaat.
Malik Berthelsen Siumut sinnerlugu inatsisartuni ilaasortat allat marluk, Aleqa Hammond aamma Akitsinnguaq Olsen, kiisalu folketingimut ilaasortoq Lars-Emil Johansen kalaalllit oqaasii pisortatigortumik oqaasiunerat pillugu Sisimiuni kulturikkut illumi Taseralimmi innutaasunik ataasinngorpat ataatsimiititsissapput.