Kalaallisut meeqqanut atuakkat amigaataapput
Nuummi atuakkanik atorniartarfiup meeqqanut immikkoortortaani atuagarpassuaqarpoq. Ilisivilli ataasiinnaq kalaallisut atuakkanik imaqarpoq. Taakkunanngalu atuakkat assiliartallit amerlanerummata kalaallisut atuarusuttut toqqagassaaleqipput.
- Aarleqqutigisinnaavarput meeqqat atuarnissamut kajumikkunnaarnissaat namminneq oqaatsitik atorlugit atuagassaqanngikkunik. Atuagaatittalu ilarpassuit ukiunik 20-nik 30-nillu pisoqaassuseqarmata pissutsit ilungersunarput. Atuakkanik saqqummersitsisarfiit marlussuinnaat meeqqanut atuakkanik saqqummersitsisarput ukiumullu meeqqanut atuakkat marluk pingasut missaat taamaallaat saqqummersinneqartarput, Nunatta atuagaateqarfiani suleqatigiit aqutsisuat Mette Laustsen oqarpoq.
Qujanartumilli atuartunngoraangamik meeqqat kalaallisut atuagassaqartarput sunngiffimmili atuarniarunik allatut ajornartumik qallunaatut atuartariaqarput. Mikinernut tamanna ilungersunarneruvoq tassami namminneq tamakkiisumik atuarsinnaanerat killeqarnerummat.
- Meeqqat kalaallisut atuagassaqanngikkaagamik allassinnaanerat aamma kinguariartarpoq. Qallunaatut oqaatsit sungiusimanerulersarpaat tamannalu siunertaanngilaq kalaallisut oqaatsit pisortatigoortumik oqaatsitut toqqarsimagaanni. Kalaallit meeqqanut atuakkiornerup tapersersorneqarnerunissaa maqaasinarpoq. Mianersuuttariaqarparput meeqqat atuarusuttut siusissukkut annaannannginnissaat. Aamma meeraanermi atuarluartarsimaneq kingusinnerusukkullu qaffasinnerusumik ilinniagaqarneq ataqatigiipput, Mette Laustsen meeqqat inuusuttullu kalaallisut atuagassaqarnissaannik ilungersuutiginngittoq oqarpoq.
