Nunanit allanit

Harry ernumasoq: Meghanip tuluit aviisiat suliassiissutigaa

Hertugip nuliata Meghanip, Tuluit Nunaanni prins Harryp nulia, aviisi Mail on Sunday eqqartuussivilersuunniarpaa. BBC taama allaaserisaqarpoq.
Hertuginde Meghan isumaqarpoq, aviisi 'Mail on Sunday' unioqqutitsisimasoq. Assi © : Pool/Reuters/Ritzau Scanpix
Allattoq Ritzau
oktobarip 02-at 2019 06:56

Allakkat nammineq pigisaasa aviisimit taassumannga inatsisinik unioqqutitsinikkut saqqummersinneqarsimanerat, Meghanip oqaatigaa.

AAMMA ATUARUK Prins Harry aamma Meghan Markle katittut

Soorlu Prins Harryp Meghanillu namminneq oqaatigigaat aviisi naakkittaatsumik isumaqatissarsiortutut nuliariinnik taakkuninnga malersuivoq, aappariillu Mail on Sunday akissuteqarfiginiarpaat. Prins Harry nammineq inuttut taama oqarpoq.

- Anaanaga annaavara, nuliaralu pissaaneqaqisunit taakkunannga eqqugaavoq, prins Harry, 35-nik ukiulik oqarpoq.

Prins Harryp arnaa, prinsesse Diana, Tuluit Nunaanni tusagassiutinit malersorneqartorujussuulluunilu malinnaavigeqqissaarneqarpoq, 1997-imilu ajutoortoqarnerani ajunaarluni.

Taamatut pisoqaqqeratarsinnaanera prins Harryp ernummatigaa.

Aviisi Mail on Sunday Meghan pillugu oqaluttuanik ilumuunngitsunik nikassaarpaluttunillu allaaserisaqartartoq, Meghanip eqqartuussissuserisuata aviisimut pasilliutigaa.

/ritzau/

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq