Kalaallinik Danmarkimi ajornartorsiortunik ikiuinerulerneq apeqquserneqarpoq
Kalaallinut Danmarkimiittunut inuuniarnikkullu ajornartorsiuteqartunut sammisassaqartitsiniarnerit ikiunissamullu neqeroorutit ukiuni kingullerni amerliartuinnarsimapput. Taamaattorli neqeroorutit ilarpassuiasa assarsornerinnarmik sanalunnerinnarmillu imaqartarnerat ajornartorsiutaasarpoq, sanalukkat Danmarkimi atorneqarsinnaanerat killeqarmat.
Naja Kleist Stork, Odensemi inunnik isumaginninnermut højskolemi ilinniartoq, inuuniarnikkullu ajornartorsiuteqartut siunnersuisoqatigiiffianni ilaasortaasoq, aviisimi ”udsat”-imi inuuniarnikkut ajornartorsiteqartunik sammisaqartumi taama naliliivoq.
Naja Kleist Stork allappoq kalaallit Danmarkimiittut inuuniarnikut ajornartorsiuteqartarnerat itinerusumik siornagut sammineqarneq ajortoq, massakkulli ikiuerusunneq annertunerulersimasoq. Naja Kleist Stork Danmarkimi inunnik isumaginninnermik sullissivinnut erseqqissaateqarpoq, tassa oqaatsinik paasinninniarneq pissutigalugu kalaallit qallunaatut oqaluppiarsinnaanngitsut ikiuinikkut piffissamik annertunerusumik pisariaqartitsisarnerat eqqumaffigineqarnerusariaqartoq allappoq.
