Kalaaliaqqat Rigshospitalimi kiserliortarput

Kalaallit meerartaat Rigshospitalimi uninngasut marloriaammik artorsartinneqartarput uninngasunut allanut naleqqiullutik. Tamanna ukiuni arfineq marlunni meeqqanut Rigshospitalimi uninngasunut aliikkusersuisartup Janne Kjærsgaardip maluginiarsimavaa.

Meeqqat kalaallit Rigshospitalimi uninngasut ilungersunartorsiortinneqartarput.

Nappaammut imaannaanngitsumut akiuuttut, nunamut allarluinnarmut, qallunaatuinnaq oqaluffiusumut aallartinneqartarput.

Napparsimasunut aliikkusersuisartoq Janne Kjærsgaard ukiut arfineq marluk ingerlanerinni kalaaliaqqat imaannaanngitsumik atugallit naammattoortarpai. Kalaallisut rigshospitalimi paasissutissiissuteqanngippallaarnera uparuarpaa

-Kalaallit meeqqat Rigshospitalimi naapittarsimasakka meeqqanut allanut uninngasunut naleqqiullugit marloriaammik artorsaateqartutut oqaatigisinnaavakka,

inuit kikkuugaluarunilluunniit nappaateqartut imaannaangitsumik atorsartarput.

Nappaateqarnerup qaavatigut nunamut allarluinnarmut allatullu oqaluffiusumut aallartitaaneq meeqqamut angajoqqaavinullu nammakkersuutaavoq imaannaanngitsoq. Ingammik meeqqat mikisut qallunaatut paasisinnaanngitsut imaannaanngitsumik atugaqartartut takusinnaasarpakka.

Meeqqap sulisut qallunaatut oqaluttut paasisinnaanngilaat, taamaammallu kiserliortitaalersarput, Janne Kjærsgaard oqarpoq.

Paasissutissiissutit tamarmik kalaallisut nutserneqarnissaat pitsaanerpaassasoq aamma oqaatigaa.

-allagartaqarpat sumi nerisoqarsinnaaneranik aamma kalaallisut allassimasariaqaraluartoq tikkuarpaa. Kalaallit nunaannut kalaallillu inuusaasiannut ilisimasaqarnerunissaaq aamma ujartorpaa, uninngasut oqaluutilernnissaannut tamanna pingaaruteqarmat.

-Pulaartoqarpallaarneq ajorput, taamaammallu aamma eqqumaffigineqartariaqarlutik Janne Kjærsgaard maanna kalaaliaqqanut Rigshospitalimut unittunut atuakkiortoq oqarpoq. Atuagaq aasaru saqqummernissaa ilimagineqarpoq.