Kalaaleqaterput Kina-miittoq nunap sajunneranik oqaluttuarpoq

Kina-p ilaani nuna ippassaq sajuppoq kalaaleqatittalu Nuummeersup Lykke Geisler Reimer-ip, ulluni makkunani sulinngiffeqarluni KINA-mi angalasup, nunap sajunnera malugaa. Aviisip Sermitsiap nittartagaani tamanna atuarneqarsinnaavoq.
Allattoq Louise M. Kleemann
maajip 13-at 2008 11:07

- Illorsuarmi inissiat quleriit arfernanni najugaqarfigisanni illusisimaffigalu kisimiitilluta nuna sajulerpoq, Lykke Geisler Reimer oqaluttuarpoq.

Ilisivimmi ilisat nakkakaapput qulliillu qilaami nivingasut aalapput. Allatut ajornartumik immitsinnut eqitaaginnarpugut qanorlu pisoqarnissaa utaqqillutigu, Lykke Geisler Reimer oqaluttuarpoq.

- Annilaangavunga nalullugulu qanoq pisoqassanersoq. Inuppassuit silami sinngupput ilai biiliminni sinillutik, nunap sajoqqinnissaa annilaanngatigigamikku.

- Nerisassanik imermik allanillu pisariaqartinneqartunik inuit pisinerupput. Aqquserngit inoqanngillat innuttaasullu toqqisisimannginnerat malunnarluni. Nunap sajoqqinnissaa annilaanngatigivara Lykke Geisler Reimer oqaluttuarpoq.

Nunap sajunnera illoqarfiit pingaarnersaanni Beijing-imi malugineqarsinnaavoq, tassanngaaniit nunap sajuffia 1.500 kilometerinik ungasissusilimmiippoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq