Kalaaleq World Cupimi perngaammik peqataavoq
Niviaq C. Berthelsen qallunaat nunanut allanut unammisartui peqatigalugit 10 kilometerinik isorartutigisumik ujakkaarluni ajugaanniunnermi normu 84-iulluni annguppoq.
Unamminermi peqataasut katillugit 86-iupput, ajugaasorlu tassaavoq Marit Bjoergen Norgimeersoq, taassuma minutsit 23,48-it atorpai. Niviaq C. Berthelsenip minutsit 28,58-it atorpai.
Taamaattoq Niviaq C. Berthelsenip angusai Kalaallit Nunaanni Sisorartartut Kattuffianni ujakkaarnermut ataatsimiititaliami siulittaasup Ole Lyngep nuannaarutigai.
- Niviaq C. Berthelsen World Cupimut anngutereerpoq, taava unamminerit sorliit peqataaffigissanerai ilinniarnerata takutikkumaarpaa, Ole Lynge Kalaallit Nunaanni timersoqatigiit kattuffiata nittartagaani taamatut issuarneqarpoq.