Kalaaleq ujarassiuunngorniaq marlunnik legatinnattoq
Aaju Simonsen aasat kingulliit arlallit Nunatsinni Norgemilu aatsitassarsiorluni misissuinerni suleqataasarpoq, ilaatigut kuultimik, aligoqqinik, rubininik, kanngussamik aamarsuarnillu misissuisoqarnerani, 2006-imilu ilinniartuunermini Galathea 3-p ilisimasassarsiorneranut atasumik GEUS-ip Kujataani silap pissusiinik misissuinerani aamma angalaqataasimavoq.
Legatit Ole Verner Nielsens familiefondip Humlebæk-Nivå Rotary Klubbillu siulittaasuannit Civilingeniør Bent Michael Nielsenimit tunniunneqarput, taassumalu tunnniussinermini naqissuserpaa Aaju Simonsen ilinniarnini tamaat Kalaallit Nunaanni Norgemilu aatsitassarsiorfiit arlallit misissuinerini ujarassiuumut ikiortitut sulinermigut pikkorinnerulernissaminut periarfissani tamaasa atorsimammagit.
Bent Michael Nielsenip naggasiutigalugu Aaju Simonsen ilinniarnermini iluatsitsilluarnissaanik kissaappaa aammalu Aaju kandidatinngornermigut Kalaallit Nunaata siunissaanik nukittorsaaqataajumaartoq neriuutigalugu.
