Frank Madsen nunatsinni siullersaanngikkaluarluni ullumikkulli kisiartaalluni inuussutissarsiutigalugu tilluuttartuuvoq.Assi: Kristin Wall

Kalaaleq tilluuttartoq nunanut allanut unammisartunngorusuttoq Afrikami sungiusartoq

Tilluunnermik inuussutilik, siunissami pissartanngorusuttoq, Sydafrikami tilluuttartutut piginnaasaminik maanna pitsanngorsaaleruttorpoq. Taanna nunarput sinnerlugu siunissami unammisartunngorusoqaaq.

Angut kalaaleq 29-nik ukiulik Danmarkimi Aarhusimi najugaqartoq nammineq aningaasartuutigalugu maanna qaammatit tallimassaat Afrikap kujasissortaani, Sydafrikami Cape Townimiippoq, tilluuttartutut piginnaasani qaffassarlugit.

- Tilluunneq nuannaraara pissutigalugu unammissutaasaqimmat, nunarsualu tamakkerlugu unammissutittut akuerisaalluni. Taava pitsanngoriartuinnavissinnaallunga, inunnut allanut unammillersinnaanerulerlunga. Taannartaa nuannaraara, tilluuttartoq Frank Madsen oqarpoq.

Taanna nunatsinni siullersaanngikkaluarluni ullumikkulli kisiartaalluni inuussutissarsiutigalugu tilluuttartuuvoq.

- Iranimi World Gamemik taaguutilimmi unamminikuuvunga, kickboksningimik nunatsinniit kisiartaallunga unammeqataavunga, Iranimilu ajugaallunga, Frank Madsen oqarpoq.

Taanna nunatsinniit aningaasaliisussamik pissarsiguni nunatsinni unammisartunngornissani kissaatigaa.

- Unamminerni amerlanerusunik ajugaanissara piginnaaneqarnerulernissaralu siunertaraara, pissartanngorniunnernut anngussinnaaniassagama. Taamaaliorniarumali sungiusartariaqarpunga, piginnaasakkalu pitsanngorsarlugit, Frank Madsen oqarpoq.

Taassuma tilluunnermi sungiusarluni maanna qaammatit tallimassaat Sydafrikamiippoq, sulilu qaammammi ataasimi sungiusassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat