Kalaaleq sikkilertartoq kinguariarpoq

Ricky Enø Jørgensen sikkilernersuarmi Tour de L'Avinirimi qasuerserfiit marluk akornanni ippassaani uppippoq. Kalaaleq taanna sikkilertartoq uppikkami ullormut kingulliit pingajuannut peqataanissani sioqqullugu kinguarpoq.
septembarip 10-at 2010 07:11

Ricky Enø Jørgensen, kalaaleq inuusuttoq sikkilertartoq, ulluni makkunani inuusuttut Tour de Franceatut assersuunneqartartumut Tour de L'Avenirimi peqataavoq.

Cykilerneq qaqqani Alpini ingerlanneqarpoq, nunarsuarmilu sikkilernerit sakkortunersaannut Tour de Francemut assersuunneqarsinnaalluni, inuusuttunummi ukununnga Alpini sikkilertunut taannatulli sakkortutigaaq.

Ippassaq sikkilerneq 183 kilometeriuvoq, tassanilu Ricky Enø Jørgensen normu 74-inngorpoq. Peqataasut 109-upput, nunanit assigiinngitsunit 18-ineersuullutik, taakkunanngalu Ricky Enø Jørgensen normu 87-itut inissisimavoq.

Ricky Enø Jørgensen Ilulissaneersuuvoq, belgiamiumillu sikkilillammassuarmit, uani sikkilernersuarmi maannamut sukkanerpaajusumit, Yannik Ejssenimit, minutsinik 46-nik kingulliuvoq.

Målit titarnerat Ricky Enø Jørgensenip sapaatip akunnerata naanerani qaangeruniuk kilometerit 1.300-t sinnerlugit atorsimassavai. Sikkilerlutik Danmarkimiit nunanut allanut unammisartut, U23-t, sinnerlugit Ricky Enø Jørgensen peqataavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq