Kalaaleq savimmik kapineqartoq
Angutip kalaallip 42-nik ukiullip Århusimi ippassaq savimmik kapoorneqarpoq
Århusimi napparsimavimmi angutip 42-nik ukiullip inuunera annaanniarlugu unnuaq naallugu ullumikkullu ulloq naallugu nakorsat ulappussimapput.
Unnuap ingerlanerani angut arlaleriarlugu uummartinneqartarsimagaluarpoq, ullaap tungaanilu angutip inuunera navianartorsiorunnaarsimasoq, Avisen.dk allaaserinnippoq.
Kalaaleq 42-nik ukiulik arfininngormat unnukkut Århusimi biilinut inissiisarfimmi savimmiunngikkuni qinneriaammik kapoorneqarsimavoq.
Århusimi politiit angummik kapisisimasumik ujaasinertik maanna sakkortusigaat oqaatigineqarportaaq.
- Naluarput sooq saassunneqarsimanersoq, angut 42-nik ukiulik apersorsinnaasimanngilarput, takunnissimasulli arlallit oqaatigaat nukappiaraq nunami allamiusut isikkulik pinerliiffiup nalaaniit arpattoq takuneqarsimasoq, taannalu massakkut ujaaraarput, Jyllandimi politikommissæri Jens Peter Andersen taama aviisimut oqarsimanerarneqarpoq.
