Kalaaleq qitittartoq nipilersortunik videoliat pitsaanersaanni peqataasoq
Nipilersortunik videoaliami nuannerluinnartumi Alexander Montgomery-Andersen koorpuinnaqarluni qitittarfimmi masattumi taartumilu qitippoq.
Filmi finlandimiumit filmiliortartumit Maida Halsimit suliarineqarpoq.
Filmi Violence Done Wellimik taaguuteqartoq aammaNunani avannarlerni Npilersortunik videoliat pitsaanersaannik siullerpaamik maajip 31-iani toqqaasoqalerpat peqataasussatut aamma toqqarneqarsimavoq. Nipilersortunik videoliaq ukiaq immiussaavoq.
Alexander Montgomery-Andersen 19-inik ukioqarluni kalaallini siullersaalluni. Ilaatigut aamma tusarnaartitsiutigaluni isiginnaagassiami Crossroadsimi qitittuusimavoq. Qitittartoq pikkorilluinnartoq Alexander 2014-mi inuussutissarsiutigalugu qitittartutut imminut taagorsinnaanngussaaq aasaru Bårdarimi ilinniarnini naammassissagamiuk Napallu Arctic Winter Gamesimut isiginnaagassiaanut peqataassalluni. Anaanani, qitittartoq Ruth Montgomery-Andersen Nuummeersoq peqatigalugu Nunatsinni meeqqanut inuusuttunullu qitinnermik pikialaartitsinerit siullersaata Outervisionip aallartisarnissaanut peqataavoq.