Kalaaleq operamik erinarsortartoq tusarnaartitseqattaassaaq

Kalaaleq operamik erinarsortartunngorniarluni Islandimi ilinniartoq, Josef Lund Josefsen qaammatip tulliani siullermeerluni Nunatsinni tusarnaartitseqattaarluni angalassaaq.

Nunatsinni illoqarfinnut assigiinngitsunut arfinilinnut tusarnaartitseqattaarluni angalanermini Islandimiu pattattartoq Jonas Ingimundasson angalaqatigissavaa.

Tusarnaartitseqattaarlunili angalaneq Danmarkimi Frederiksbergimi, Josef Lund Josefsenip efterskolerfigisimasaani, operamillu erinarsorfigeqqaartalersimasaani, Kastanievej Efterskolemi aallartinneqassaaq.

Tusarnaartitsisaqattaarluni angalanissaq Sisimiuni kulturikkut illorsuup Taserallup suleqatigineratigut piviusunngortinneqarpoq.

- Isumaqarpunga eqqumiitsuliortut inuusuttut, ingammik inuuusuttut ilinniagaqartut, Josef Lund Josefsenitut ittut tapersersorneqarlutillu ikiorserneqartariaqartut. Tamannami siunissami kulturikkut suliaqartussanut aningaasaliinerummat, Taseralimmi pisortaq Juaaka Lyberth oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat