Kalaaleq Danmarkimi pissartanngorpoq
Naakkiarnermi affarmik kalaaleq Andreas Skifte Danmarkimi pissartanngorpoq. Tamanna qaammat kingulleq pivoq Danmarkimi pissartanngorniunnerit Odensemi ingerlanneqarmata.
Allattoq Noah Mølgaard
Andreas Skifte tassaasoq siornatigut Atassutip siulittaasuata Daniel Skiftep ernera naakkiarnermi 62,48 meterimut naakkiarami unammisani tamaasa inorsippai.
Andreas Skifte maanna 17-nik ukioqartoq ukiormannamut neriuutiminik taamaasilluni eqquutsitsivoq. Marloriarluni Danmarkimi rekordiliivoq aammalu inuusuttut Tyrkiami OL-qarnissaannut aasaq juulimi anngulluni.
Andres Skifte aamma Berthelsen kinguliamisut atorpaa. Taannalu ukioq ataasiinnaq naakkiartartuusimalerpoq. Sungiusaasuata Joachim Lundip oqarnera malillugu taanna imatut piukkunnaateqartigaaq 2016-imi Rio-mi OL-qarnissaanut anngussinnaalluarluni.