Kalaaleq arnaq Vejlemi pinngitsaalineqarsimanerarpoq
- Arnaq annertuumik imereersimatilluni iterami pinngitsaalineqarsimanerarpoq. Kingorna inissiamut allamut ikiortissarsiorpoq, Peter Krogh, Sydøstjyllands Politiivineersoq oqarpoq.
Angutit inissiamiittut arnap oqaluttuaa tusaraluaannarlugulu kamassimaqisut politiit oqaatigaat, angutillu taakku kingorna inissiamukarput pinngitsaaliisimanerarneqartut saassukkiartorniarlugit.
Anaalerutit baseballernermut atorneqatartut allaat atorneqarput, ikiuiniallu ilaat niaqqumigut savimmik kapineqarluni.
Angut 25-nik ukiulik politiinit tigusarineqarpoq, killisiorneqareermallu iperagaalluni.
Savimmilli kapisisimasoq politiinit maanna ujaarineqartoq nalunaarutigineqarpoq. Arnaq pinngitsaaliivigineqarsimanersoq misissorneqarpoq, pinngitsaaliisoqarsimanerannilli takussutissaqanngitsoq ilisimatitsissutigineqarluni.
