Kalaaleq arnaq Københavnimi pinngitsaalineqarpoq
Arnaq kalaaleq 24-nik ukiulik Københavnimi ippassaq unnukkut kinguaassiuutitigut pingitsaalisaavoq. Pinngitsaaliineq pivoq Københavnip ilaani Brønshøjimi illoqanginnersami.
Allattoq Jaaku Lyberth
juunip 29-at 2009 07:06
Arnaq pinngitsaalineqarnermi nalaani nipituuumik nilliavoq, nillianeranillu inuit eqqaaniittut ornigupput, tassanilu angut qernertormioq 28-inik ukiulik arnaq qalleqqagaa naammattoorneqarluni.
Takunnittut politiinut kalerriipput, piaartumillu pinngitsaaliiffiusumut politiit anngullutik. Angut pinngitsaaliisoq qimaasoq politiinit angumerineqarluni tigusarineqarpoq.
Angut 28-nik ukiulik pinngitsaaliisimatut pasineqarluni Frederiksbergimi eqqartuussivimmi ullumi sassartinneqarluni killisiorneqassaaq, aviisi Sermitsiaq danmarkimi aviisi Ekstra Bladet issuarlugu taamatut allaaserisaqarpoq.
