Kujalleq: Meeqqat qimarngueqalernissaanik kissaateqarput

Kommune Kujallermi Inuusuttut Suliniaqatigiiffiani ilaasortat angajoqqaat inersimasullu imigassartoriaasiannik eqqartuipput. 

Meeqqat qimarngueqalernissaanik kissaateqarput

Kujataani illoqarfinni nunaqarfinnilu tamani meeqqanut qimarnguimmik pilersitsisoqarnissamik kommune kujallermi inuusuttut suliniaqatigiiffiat kissaateqarpoq.

-Meeqqanut qimarnguinnik pilersitserusuppugut kujataani illoqarfinni nunaqarfinnilu tamani.

Inuusuttut suliniaqatigiiffianni ilaasortat Adina G. Jakobsen taama oqarpoq.

 -Angajoqqaat paarsiniaraluit paarsingitsoorsinnaasaramik. Adina taama oqarpoq.

Tamannalu Kommune Kujallermi Inuusuttut suliniaqatigiiffiani ilaasortat qanoq iliuuseqarfigisariaqarsoraat.

- Angajoqqaatik aalakoortut ilagisaramikkit ilaasa. Soorunami uagut aamma akisussaaffiginiarlugit meeraqatigut inuusuttoqatigullu taamak pilersitsigusuppugut.

Kommune Kujallermi Inuusuttut suliniaqatigiiffianni ilaasortaq taama oqarpoq.

Meeqqat qimarngueqalernissaannik siunnersuut Kommune Kujallermi borgmester Kiista P. Isaksen-imut tunniunneqarpoq. 

- Neriuuteqaqaagut. Neriuppugut tassa pilersinneqassasut. Kommunalbestyrelsimut ingerlateqqippagut borgmesteri aqqutigalugu. Neriuuteqarluarpugut. Adina G. Jakobsen taama oqarpoq. 

Kommune Kujallermi Inuusuttut Suliniaqatigiiffiani ilasortat siunnersuutigisaat imaannaangitsuusoq borgmester Kiista P. Isaksen isumaqarpoq. Taamaammat aamma kommunalbestyrelsimi oqaluuserineqartariaqartoq Kiista P. Isaksen isumaqarpoq.

-Taamak oqariartuuteqarneq isumaqarfigaara pinngitsuuinnani oqariartuutaasoq. Akiussaaffik taanna assigiingitsunit eqqartugassaqqippoq Qulequtaq imaanaangitsuuvoq. Taamaammat aamma  oqariartuutineqartunut ilanngunneqarsimammat qujavunga. Taamaammat ataatsimiitsitaliami attuumassuteqartumi oqaluusereriarlugu, kommunalbestyrelsimi oqaluuserineqarnissaa pissusissamisuuvissutut isigaara. Kommune Kujallermi borgemsteri Kiista P. Isaksen taama oqarpoq.