ASSIT Qamuteralaat pisarnermit allaanerusumik Ikerasaliaanneqartut

Nunaqarfinni Saattuni aamma Ikerasammi decembarip naalernerani qamuteralaat sisamat tikisitassat amigaatigisimammatigit Issittumi sakkutooqarfik, Air Greenland aamma Royal Arctic Line allaanerusumik iliuuseqartariaqarsimapput.
Assi © : Carsten K. Christensen
Assi © : Carsten K. Christensen
Assi © : Carsten K. Christensen
Assi © : Carsten K. Christensen
Assi © : Carsten K. Christensen
Allattoq Kenneth Elkjær
januaarip 05-at 2017 06:19
Nutserisoq Erna Lynge

Tassami annaassiniut S-61 atorlugu qamuteqaralaat sisamat Aasianniit ingerlassimavaat. Taakkumi nunaqarfimmiunit pisariaqartinneqarmata. Issittumi sakkutooqarfik Facebookimi taama allappoq, angallassinermiillu assit aamma takusassiaralugit.

- Qamuteralaat angallannerat ilimagisamit ajunnginnerusumik ingerlasimavoq. Pilersaarutaasumilli sivisunerusumik qulimiguulimmut usilersuunneqarsimapput iluatsittumilli. Aasianniit Ikerasammut toqqaannartumik ingerlanneqarsimasut, Issittumi sakkutooqarfik allappoq.

Ikerasammi qulimiguulimmik ingerlatitsisut ikerasammiunit 20-nit niuffiorneqarsimapput, taakkulu usingiaanermut ikiuussimapput. Taamaalillutik qamuteralaat pingaaruteqaqisut 2016 2017-inngortinnagu atuisussaminnut apuupput. 

- Suliaq iluatsilluarpoq Royal Arctic Linep, Air Greenlandip Issittumilu sakkutooqarfiup qanittumik suleqatigiilluarnerisigut Issittumi sakkutooqarfik facebookimi taama allappoq.

Pisarnermit allaanerusumik "annaassiniarnermit" assilisat allaaserisap qulaatungaani takuneqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq