Pissaanilissuit killiit isumannaallisaaniaqatigiit Syria pillugu ataatsimiigiaqqugaat

Syriamimi innuttaasut 100.000-likkaat qiulersut akersuunnerni qimaasariaqarsimammata isumannaallisaaniaqatigiit Syriami pissutsit ilungersunartut pillugit ataatsimiigiaqqusaapput.
Inuit 100.000-likkaat Syriami nunap immikkoortuanit Idlibimit akersuuffioqisumit qimaasariaqarsimapput. Ikiuniaqatigiiffiit Red Barnet aamma Care aallerisaarillutik nalunaaruteqarput, ajunaarnersuaqarneranik ikiuniarnissaq pisariaqalersinnaasoq. Assi © : Aaref Watad/AFP/Ritzau Scanpix
Allattoq Ritzau
februaarip 06-at 2020 08:02
Nutserisoq Jaaku Lyberth

Syriami pissutsit ilungersunartut pillugit kitaani naalagaaffiit Naalagaaffiit Peqatigiit isumannaallisaaniaqatigiinni ataatsimiittoqarnissamik piumasaarput. Aallartitaq AFP-mut taama oqarpoq.

Tyrkiami præsidenti Erdogan pingasunngornermi oqarpoq,

Syriamiut sakkutuuvi tunuarternissaannik piumaffigineqassasut, taakkua tyrkiamiut sakkutuuvilu sapaatip akunnerani uani akersuutereersullu.

Ajunaarnersuaqarneranik ikiuiniarnissaq pisariaqalersinnaasoq

 Tunuarternianngippata Tyrkia allatut ajornartumik nammineq qanoq iliuuseqartariaqarpoq, tyrkiamiut sakkutuuvi afienq pingasut Syriami nunap immikkoortuani Idllibimi saassussisoqarnerani toqutaareersullu.

Syriami Idlibimi akersuunnerit pisssutigalugit inuit 520.000-inik amerlatigisut decemberip aallaqqaataannili najugarisaminnit qimaasariaqarsimapput, Naalagaaffiit Peqatigiit taama nalunaarput.

Ikiuniaqatigiiffiit Red Barnet aamma Care aallerisaarillutik nalunaaruteqarput, ajunaarnersuaqarneranik ikiuniarnissaq pisariaqalersinnaasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq