Ilisimatuut silaannaap ujaraata nakkarfigigunagaanik nutaamik nassaartut
Qallunaaq ilisimatuussutsikkut misissuisoq Kurt H. Kjær NASA suleqatigalugu itersarsuarmik sumiissusersisuuvoq. Nigalittut qitermigut akimut takissusaa 36 kilometeriulluni silaannaap ujaraasa nakkarfigisimasaanni manna tikillugu nassaarineqarsimasut annersaannut ilaavoq.
AAMMA ATUARUK Ullorissap anaata itersaliarsuanik ammalortumik nunatsinni nassaartoqartoq
Nassaarineqartorli ilumut silaannaap ujaraata nakkarfigisimaneraa maannamut paasisat naapertorlugit oqaatigineqarsinnaanngikkallartoq, Kurt H. Kjærip erseqqissaatigaa. Nassaarineqartormi innermik anitsisartuunikuusimasoq paasineqaratarsinnaavoq.
Ilisimatuussutsikkut misissuisut silaannaap ujaraata nakkarfigineraa qularnaassagunikku sermersuarmi qillerisariaqassapput.
AAMMA ATUARUK Ullorissap anaata itersaliarsuanik nassaarneq nersornaasigassatut innersuunneqartoq
Nunat tamalaat akornanni ilisimatuussutsikkut misissuinermik suleqatigiit sermersuup ataani silannaap ujaraata nakkarfianik angisoorsuarmik nassaarneranniit qaammatit sisamangajaat qaangiuttullu silaannaap ujaraata nakkarfia nutaaq nassaarineqarpoq. Nigalittut qitermigut akimut takissusaa 31 kilometeriuvoq.
