Indiami inuit 84-it immiartugartik toqqutigigaat
Indiami inuit ikinnerpaamik 84-it, inerteqqutaasumik immiukkamik imigassartornertik toqqutigaat, imigassartornerup kingorna toqquteqartut amerlanerit arnaapput, inuillu 200-t missaanniittut napparsimmavimmi unitsitaallutik.
Peqqissutsimut ministereqarfik taama nalunaaruteqarpoq.
- Minutsit qulikkaarlugit immiukkamik toqquteqartut nalunaarutigineqartarput - amerlaqisullu perulullutik, peqqissutsimut ministeri, Himanta Biswa Sarma oqarpoq.
napparsimmavimmut immikkut ikiorsiisoqarnissaanut nakorsat allaneersut ikiortiserineqarput.
Indiami ukiuni kingullerni aatsaat taama amerlatigisut immiartornerup kingunerisaanik toqqutigigaat, politiit tusagassiutillu qaammat aallartilaartoq oqaatigaat.
Imigassartorsimasut taakku naarlunnertik, anersaartorniarnikkullu ajornartorsiuteqarnertik, kingorna oqaatigisarsimagaat, toqusut qanigisaasa ilaatigut oqaatigaat.
/ritzau/Reuters