Kaj Kleist: Sulisut ajunngitsorsiassatuaraat
Radioavisimi ippassaq oqaluttuaraarput Namminersornerullutik Oqartussat allaffissuat juullilernerani pisartoq pillugu tallimanngormat ulloqeqqanut matummat sulisut 400-t akissarsiaqaatigalugu frokostertuatsianngortut.
-Uagut allatigut periarfissaqanngilagut sulisutsinnut tunisissalluta, tassa juullimi sulisugut tunineq ajorpagut. Aamma ukiut 2-3 qaangiupput sulisut juullip ukiortaallu akornanni ullormik ataatsimik marlunnilluunniit sulinngiffeqarsinnaanerat aamma atorsimagaluarparput, kisianni taanna sipaarniutit pissutaallutik atorunnaarsinneqarsimavoq, Kaj Kleist nassuiaavoq.
- Uagut periarfissaqanngilagut ukiup naajartulernerani sulisut allatigut qutsivigissallugit.
Namminersornerullutik Oqartussat pisortaanerat sulisut ukioq naallugu annertuumik sulilluarsimasut qujaniarfigalugit julefrokosternermik nalaanni akissarsiaqaannartartut.
Periarsissaqanngilagut allamik arlaatigut takussutissaasinnaasumik qujassuteqarfigissallugit.
Namminersornerullutik Oqartussat allaffissuini sulisut julefrokosternermik nalaani aningaasarsiaat 275.000 koruuniusut, akissarsialeriffiup nalunaarutigaa.