KAIR: Piumasaqaatit nutaat 900 millionit koruuninnik immaqa naleqassapput

Kalaallit Airports International mittarfinnik ingerlatsinermi nutaanik piumasaqaateqalermat, 900 millionit koruuninik attartugassarsiniarnissamut periarfissaqarumavoq.

Kalaallit Airports Holdingip pisortaanera, Jens Lauridsen, taama oqarpoq.

- Oqartussaasut nutaanik piumasaqaasiorput. Ingammik atortorissaarutinut timmisartornermut attuumassuteqartuni, aammali timisartoqarfinni isumannaallisaanermut tunngasuni, tamakkualu aningaasarpassuarnik nikingassuteqalersitsisinnaapput, Jens Lauridsen oqarpoq.

Tamakkununnga qullersuarnut milernermi naleqqanut piumasaqaatit ilaasut, taanna nangippoq.

Kalaallit Airportsip 900 millionit koruuninik attartornissamut periarfissaqarnissani Namminersorlutik Oqartussanut qinnutigisimavaa.

Tamannali Inatssiartut Sanaartornermut Ataatsimiititaliarisimasaata ernumalissutigeqaa.

Mittarfinnilli ingerlatsinermut piumasaqaatinut nutaanut aningaasartuutissat aningaasanik attartugassarsinissaq pisariaqalersissinnaavaaat.

Attartugassalli taama amerlatigineri aningaasarnerup aallaqqqaataaniilli aqunneqangeratarsimasinnaaneranik pasinnilersitsut, Sanaartornermut Ataatsimiititaliap siulittaasorisimasaa Justus Hansen Demokraatineersoq isumaqarpoq.

Taamaattoqanngitsorli, Jens Lauridsen oqarpoq. Taassuma mittarfiliortiternissaq taamani piumasaqaataasut tunngavigalugit 2017-imi pilersaarusiorneqartut tikkuarpaa.

- Suliniutit aallartinneranni misissorlugit qimerlooraanni qanoq suliarineqassanerneri takuneqarsinnaalereertaraluarpoq, sulialli alliartortillutik allaanerusumik inerneqartarput, Jens Lauridsen oqarpoq.

Nunap karsiata qularnaveeqqusiinera atorfissaqanngitsoq

Taanna 900 millionit koruunit ajornerpaamik pisoqarsinnaaneranut uuttuutaallutik kisinneqartut oqapoq. Aningaasalli taakua aningaasartuutaanngitsoorsinnaapput.

Sanaartornermut ataatsimiititaliami siulittaasuusimasoq, Justus Hansen, aningaasat atorneqareersimasinnaaneri ilimartorujussuusinnaasoq paasisimagitsik oqarpoq.

Naalakkersuisulli naapertorlugit atorniarsinnaaneq nunap karsianit qularnaveeqquteqanngitsoq eqqartorneqarpoq. Kalaallit Airports ingerlatseqatigiiffittut pilersaarumminik nutarterivoq, tassanilu taamak atorniartoqarsinnaasoq allassimavoq.

Kalaallit Airportsip ingerlatseqatigiiffittut pilersaarut innersuuppaa.

- Aningaasanik taamak atorniarsinnaavugut timmisartumi ilaasunut akisunerulersitsinngikkaluartumik, Jens Lauridsen oqarpoq.

Aningaasanik taakkuninnga atorniarsinnaanermut periarfissaq piviusunngussappat aatsaat tamanna 2023-imi 2024-imiluunniit pisinnaasoq psiortaq oqarpoq