Kaffisorpallaanngooq aliortoqqajaanerusarput

Inuppassuit immaqa isumaqarput kimittuumik kaffisorneq pingaartumik ataasinngornikkut ullaakkut pisariaqarluinnartuusoq, kaffisorpallaaraanniligooq aliortornarnerusinnaaasarpoq, aviisimi Politikenimi taama allaaserinnittoqarpoq.
Allattoq Lotte Holm
januaarip 19-at 2009 12:22

Tiitorfiit arfineq-marluk sinnerlugit ullormut kaffisortaraanni ilaatigut maluginiarneqartarpoq uummammik kassuttoorneq, uniffeqannginneq toqqissiveqannginnerlu, taavalu isigisuusineq tusaasuusinerlu inuit ilaannit atorneqarsinnaasarput. Tuluit Nunaanni ilisimatusarfimmit, Durnhamimit, misissuisitsinermi tamanna erserpoq.

Ilisimatusartut kaffisuumasut 200-t misissuiffigineqarsimapput, kaffillu eqeernartutornerusut, tassa koffeinitornerusut, nipinik tusaasuusisarnerullutillu, takusuusinerusarlutillu inunnik toqoreersunik aliortornerusartut paasineqarpoq.

Inuilli taama misigisaqartartut ilisimatuunit tuppallersarneqarput, tassamigooq imaangilaq tinnaalilersut. Politikenimimi allaaserisaq naapertorlugu nunarsuarmi inuit tamarmik 3 procentii nipinik tusaasuusisarput.

Kaffisorpallaartunngooq uippakajaaleraangamik tusaasuusinerit takusuusisarnerillu atornerusarpaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq