Kaczynskikkut pissaaneerutitaapput

Inatsisartunummi qinersinermi qanganisalerituut killilersuinermik millisitsiniaasut, Borgerplatform, ajugaapput, 42 procentinit taaguunneqarlutik. Kaczynskikkut partiiat qinersinerup tungaanut naalakkersuisuutitaqaraluartoq 32 procentinit taamaallaat taaguunneqarpoq.

Polenimi naalakkersuisut nutaat atuutilerpata EU-mut attaveqarluarnerulernissaq anguneqassaaq. Borgerplatformimi oqaaseqartartoq taama oqarpoq, neriorsuillunilu, pisinnaatitanerit tunngaviusut anguniarlugit Polen Den Europæiske Unions Charterimut kattunnissaminut maanna piareertoq.

Marluliat qanganisalerituut Lech aamma Jaroslaw Kaczynski Polemini 2005-imili naalakkersuisuutitaqalersut, arlalitsigut akuersiumaataaraluarput. Pingaartumik arnaqatiminnik anguteqatiminnillu atoqateqartartut pisinnaatitaaffii akueriumanngilluinnarlugit.

Naalakkersuisuutitaqalersullu Borgerplatformit nunami annertuumik katuuleqarfiusumi isumaqatigiissut tamatigut akuersaassagaat qularutissaanngilaq.

Naalakkersuisuni siulittaasunngortussaq tassaavoq 50-inik ukiulik Donald Tusk.