Kabulimi neriniartarfiit akunnittarfiillu Talebanit saassuttalerniarpaat
Afganistanimi pikitsitsiniat Talebanit, Afghanistanip illoqarfiisa pingaarnersanni Kabul-imi akunnittarfinnik neriniartarfinnillu saassussisarniarlutik nalunaarput
Allattoq Jaaku Lyberth
Norgimiut nunanut allanut ministeriat Kabulimi akunnittarfimmiitillugu saassussisoqarnerata kingorna, tamanna nalunaarutigineqarpoq.
Saassussisoqarnerani inuit arfineq pingasut toqutaapput.
Kabulimi neriniartarfiit nunanit allamiunit orninneqartartut tamarmik saassunneqartarnissaat, Talebanit oqaaseqartartuanit nalunaarutigineqarpoq.
Qunusaarinerit ilumoorunneqartuaannanngillat, ukiunili kingullerni imminut toqoriaatigaluni qaartartumeerinerit arlaqarput.
Saassusseriaatsit nutaat atorneqartalerumaartut
Aghanistan pillugu ilisimasalik Barney Rubin isumaqarpoq.