Kaassassuk pissarsuit siullersaraat
Atuagaq nutaaq ”Kaassassuk Iliarsuk”, CD-mik malitseqartinneqartoq, ullumi saqqummerpoq. Atuagaq, qalipaatigilluinnartumik titartarneqarsimasoq, Kalaallisut danskisut tuluttullu atuakkiaavoq.
Allattoq Louise M. Kleemann
Meeqqat, inuusuttut, inersimasut, utoqqaallumi Kaassassummik oqaluttuaq nalunngilluarpaat kinguaariinnullumi kingullernut Kaassassuk-mik oqaluttuaq suli oqaluttuarineqartarluni.
Titartaasartoq titartaanermillu piginnaasaqarluartoq Christian Fleischer Rex Kaassassuup titartaganngorlugu saqqummersinneqarnissaa ukiuni arlaqalersuni sulissutigisimavaa, atuagarlu qalipaatigilluinnartunik titartagartalik, 53-nik quppernilik, saqqummersitsisarfik Milik publishing aqqutigalugu ullumi saqqummersinneqarpoq, CD´eertaa Ice Music-imit saqqummersinneqarluni.