Kaammattuut: Ujarassiorit akissarsillutillu

Ujarassiorit 2011 aallartiinnaqaaq. Aatsitassat pillugit Qullersaqarfiup aningaasaliisut pingasut peqatigalugit, tassaasut Grønlandsbankenip Inuussutissarsiornermut aningaasaateqarfia, NunaMinerals aamma Quadra FNX Mining maanna inuit nunatsinniittut inappaat ujaraqqanik nassaaminnik oktobari nallertinnagu nassiussisaqqullugit.

Allattoq Apollo Jeremiassen

juulip 03-at 2011 13:10

Ujaqqat nassaat nassiunneqartut ajugaatinneqartullu akissarsissutitsialassuusarput. Ukioq manna ajugaatinneqartumut akissarsiaritinneqassapput 55.000 koruunik. Akissarsititsinerni tamanani aningaasat katillugit 120.000 koruunit avinneqassallutik.

Ujarassiornermi maleruaqqusat qimerluualaarniaraanni nittartakkami ataani allassimasumi alakkarneqarsinnaapput.

Nunatsinnilu allakkerivinni ujaqqanik nassiussinermi pooritinneqartartut pissarsiarineqarsinnaapput. Nassiussineq akeqanngilaq.

Ujaqqamik nassaarfik sukumiisumik oqaluttuarineqassaaq, akissarsitinneqartussanullu peqataariasaassagaanni maani Nunatsinni angerlarsimaffeqartariaqarluni. Nassaat ujaqqat Aatsitassat pillugit Qullersarfimmut kingusinnerpaamik nassiunneqareersimassapput oktobarip aallaqqaataa nallertinnagu.

Kaammattuut: Ujarassiorit akissarsillutillu

Aamma atuaruk