Internettikkut ajornannginnerusumik attaveqarnilernissarput anguniarlugu, immap naqqatigut kabelersuarmik siaarsisoqarnissaanik
Tele Greenlandip pilersaaruteqarneranut Attaveqarnermut Naalakkersuisoq Jørgen Wæver Johansen tapersersuilluinnarpoq.
- Kabeliliineq akisoorujussuuvoq, aningaasartuutissalli kisiisa isiginiarsinnaanngilagut nunattami avinngarusimanera eqqarsaatigalugu kabelitaarnissaq isumatusaar-nerussammat. Jørgen Wæver Johansen, ”Kalaallit Nunaat internettimi”-k taallugu ataatsimeersuarneq ippassaq ammarlugu ilaatigut taama oqarpoq.
Kapililiinissamut aningaasaliinikkut ilinniartitaanikkut aningaasaqarnikkut nammineersinnaassuseqarnitsinnik piorsaanissamut ilisimasanillu avitseqateqarnissamut periarfissarissaarnerulernissarput Jørgen Wæver Johansenip erseqqissaatigaa.
Qaammataasaq atorlugu internitsikkut attaveqarpugut kabelililiisoqarnissaanullu Tele Greenlandip siulersuisui aalajangiisussaapput.