Københavnimi unnuk kulturisiorfimmi nunarput sammineqalersoq

Københavnimi unnuk kulturisiorfimmi aaqqissuussinerit nunatsinnut tunngasut alakkarterneqarsinnaassapput.

Københavnimi ukiumoortumik unnuk kulturisiorfik tallimanngorpat ingerlanneqalerpat Nunatsinnut tunngasunik arlalissuarnik sammisaqartitsisoqassaaq.

Ilaatigut Christiansborgimi aaqqissuussinerit peqataaffigineqarsinnaapput.

Inuit Ataqatigiit Great Greenland aamma atisaliorfik Copenhagen Fur suleqatigalugit puisinniarneq, puisit amiinik atorluaaneq kiisalu puisip amia atorlugu atisanik ilusilersuisartut suliaqartarnerat ukioq manna immikkut sammitinniarpaat.

AAMMA ATUARUK Kulturnat 2017

Løvstrædemi Kalaallit Illuutaanni ersiummisaartitsisoqassaaq. Kalaallit Illuutaat anersaat silarsuaat pillugu sammisaqartitsiniarpoq, ilaatigullu uaajeertoqassaaq namminerlu kiinarpaliornissamut periarfissaqartitsisoqassalluni.

Atlantikup avannaani niuernikkut suleqatigiinnerup qanoq aallartinneqarsimanera soqutiginerugaanni, tamanna Nordatlantens Bryggemi paasisaqarfigineqarsinnaavoq. Nioqqutissat Savalimmiut, Nunatta Islandillu akornanni ukiuni hunnorujulikkuutaani qanoq assartorneqartanersut kulturikkut illorsuarmi sammineqassaaq.

Aammattaaq islandimiut eqqumiitsuliortut Kristín Gunnlaugsdóttir aamma Margrét Jónsdóttir suliaminnik saqqummersitsissapput, saqqummersitaallu taaguuteqarpoq ”SuperBlack”.

AAMMA ATUARUK Kalaallisuunik nutarterisarneq pillugu oqallinneq

Københavnip Universitetiani Uumassussilerinermut Misissuisoqarfimmi  pingortitaq tallimanngornermi unnukkut sammineqassaaq. Ilisimatuut ilaatigut nunatsinni eqalussuit, uumasuaqqat piginnaasaat DNA-mik ilisimatusarneq allallu sammissavaat.

Danmarkimi Katersugaasivissuup Danmarkip nunasiaateqarnera pillugu saqqummersitsinera ataavartussaq nutaaq - nunasiaatini inunnit oqaluttuarineqartut najoqqutaralugit suliarineqartoq - tallimanngorpat pisortatigoortumik ammaanersiorneqassaaq. Ilaatigut paasisaqarfigineqarsinnaasut ilagaat piniartoq profetiusorlu Habakuk, nuliani peqatigalugu Maniitsup avannaatungaani ilagiinnik pilersitsisoq - kristumiut ajoqersuiartortitaat avaqqutiinnarlugit.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat