Københavnimi Unnuk Kulturisiorfik pisoqarfiussaaq
Københavnimi Unnuk Kulturisiorfik 19-inissaannik unnugu pissaaq. Aaqqissuussinerit assigiinngitsut 500-nit amerlanerit sumiiffinni assigiinngitsuni 250-init amerlanerni pissapput. Kalaallit Nunaannut soqutiginnittunut aamma takusassaqassaqaaq.
![](/sites/default/files/styles/image_934x467/public/article_images/kofoedskole4-630.jpg?itok=g7V14YH9)
Allattoq Carla Davidsen
Kalaallit Illuutaat Løvstrædemiittoq pisarnermisut annertuumik aaqqissuussiniarpoq. Filmertitsisoqassaaq, atisanik takutitsisoqassalluni, eqqumiitsulianik saqqummersitsisoqassaaq, erinarsortoqarluni, nipilersukkanik bluesinik tusarnaartoqarsinnaavoq, uaajeertoqassaaq soorunalumi suaasanik sandwichinillu sassaalliisoqassalluni.
Kalaallit Nunaallu Københavnimi sumiiffinni arlalinni nittarsaanneqassaaq.
Sermiminernik Sermersuarmeersunik Niels Bohr Institut-imi takusaasoqarsinnaavoq, sermersuarmilu ilisimatusarneq pillugu Ilisimatusarnermut ministeriami oqalugiartoqassaaq.
Kofoeds Skolemi Savalimmiullu Illuutaanni matut aamma ammassapput.