Københavnimi kulturfestivali
![](/sites/default/files/styles/image_934x467/public/article_images/ting_nordisk_raad_630.jpg?itok=wnjM-1N3)
Festivalimi Illu Atlantikumi arfininngorpat aallartittussami, arlalinnik tusarnartitsisoqassasaq, ilaatigut Nunatsinnit Nive Nielsen aamma Savalimmiormiut nipilersortartut Budam aamma Guðrið. Nipilersoreernerup kingorna nipilersortartut taakku oqalugiassapput.
Nunat Avannarlermiut atuakkiortuisa unammisinneqarneranni ukioq manna ajugaatinneqartoq, islandimiu, Gyrðir Elíasson aamma 1995-imi ajugaatinneqartoq aamma islandimiu, Einar Már Guðmundsson sisamanngorpat naapinneqarsinnaassapput.
Tunup Avannaarsuanut aasaq manna ilisimasassarsiornermi umiarsuup atorneqartup, Activip naalagaa, Jonas Bergsøe arfininngorpat oqalugiassaaq ujarassiooq, Minik Rosing aamma eqqumiitsuliortoq Per Bak Jensen peqatigalugit.
Festivaalip arfininngorpat aallartinnerani nerisassat Nunani Avannarlerneersut tamalaat usserneqarsinnaapput. Aamma oqaluttuatoqqanik Nunatsinneersunit tusarnaartoqarluni, Savalimmiormiut illuikkialiaat takuneqarsinnaassalluni piumagaannilu qungulermut imusumut paarmorluni isertoqarsinnaalluni.
Kulturfestivaleqarnermi suut takuniarneqarsinnaanersut uani takuneqarsinnaapput: www.kk.dk/ting2011