Jørgen Isak Olsen naalakkersuisoqarfimmi pisortanngorpoq
Aalisarnermut, Piniarnermut Nunalerinermullu Naalakkersuisoqarfik nutaamik pisortartaarpoq. Jørgen Isak Olsenip, Jens K. Lyberth Royal Greenlandimi pisortanngortussanngorami naalakkersuisoqarfimmit tunuartoq taarserpaa.
Allattoq Peter Troelsen, Simon Uldum
Pisortanngortoq naalakkersuisoqarfimmi atorfeqareerpoq, Jørgen Isak Olsenimi naalakkersuisoqarfimmi 2009-imiilli atorfeqarpoq. Olsen immikkoortortami pisortatut pisortamullu tullersortitut sulisimavoq.
Jørgen Isak Olsen taamani Akileraartarnermut pisortaqarfiusumi 1996-imi atorfininnermigut pisortani sulilerpoq. Jørgen Isak Olsen, 43-nik ukioqartoq, oktobarip aallaqqaataani 2013-imi atorfittaamini sulilissaaq